Соли 2008 дар мувофиқа бо Вазорати маорифи Ҷумҳурии Тоҷикистон аз тарафи Донишгоҳи Кемёнги Куриёи Ҷанубӣ дар асоси созишнома бо Донишкадаи давлатии забонҳои Тоҷикистон ба номи Сотим Улуғзода аз 16.06.2008 Маркази омӯзиши забон ва фарҳанги Куриё бо номи “Маркази забон ва фарҳанги куриёии Тоҷик-Кемёнг” кушода шудааст. Баъдан соли 2012 Маркази омўзиши фарҳангу забони куриёӣ бо Ризоятномаи Донишгоҳи Кемёнг ва Донишкадаи давлатии забонҳои Тоҷикистон  ба номи  Сотим Улуғзода, ки дар санаи  01.03.2011 аз ҷониби тарафайн имзо гардидааст тағйири ном намуда, то ин замон бо номи Маркази забономӯзии “Шоҳ Сеҷонг” фаъолият менамояд.

Тибқи маълумотномаи №1-210 аз 26.06.2015, ки аз ҷониби собиқ ректори ДДЗТ , Х. Зиёев тасдиқ гардидааст синфхонаҳои ошёнаи 3-юми факултети забонҳои Шарқ (ҳозира забонҳои Осиё) барои истифода ба Маркази забономӯзии “Шоҳ Сеҷонг” вогузор гардид.

Соли  2015 маркази мазкур аз ҷониби Фонди Институти Шоҳ Сеҷонг ба пуррагӣ аз таъмири капиталӣ (як синфхонаи мултимедӣ, 4-синфхона барои дарси амалӣ, 1 синфхона барои муаллимон, 1 синфхона барои ҳайати роҳбарикунанда ва 1 синфхонаи компютерӣ) бароварда шуд. Илова бар ин дар марказ як китобхона барои донишҷӯён ташкил карда шудааст, ки онҳо метавонанд фориғ аз дарсҳо ба мутолиаи китобҳо машғул шаванд.

Шуруъ аз соли 2015 марказ барои омӯзиши забони куриёӣ замина гузошт ва ҳамасола дар ду давра (тирамоҳӣ ва баҳорӣ) курсҳои забономӯзии семоҳаро ташкил намуд.

Мувофиқи Иҷозатнома оид ба ҳуқуҳи пешбурди фаъолияти таълимӣ таҳти рақами АУ №0002515 дар асоси фармоиши вазири маориф ва илми Ҷумҳурии Тоҷикистон аз 03.04.2018, таҳти рақами №1327, дар назди Лингвопарк (Парки технологӣ)-и донишгоҳ курсҳои забономўзӣ фаъолият доранд, яке аз ин забонҳо-забони куриёӣ мебошад.

Айни замон дар сместри баҳории соли 2024 дар курси омодагӣ ба имтиҳони Топик 158 нафар ва дар курси Алифбо 76 нафар ба омӯзиши забони куриёӣ ҷалб гардидаанд.

Дар курси  омодагӣ ба имтиҳони Топик дар маҷмӯъ 11 гурӯҳ ташкил карда шудааст, ки аз он 8 то гурӯҳҳои ибтидоӣ ва 3 то гурӯҳҳои болоӣ мебошанд.

Феълан, дар Марказ омўзгорони соҳибзабон аз Ҷумҳурии Куриёи Ҷанубӣ Шин Наг Кюн, Чой Ми Ҳи, И Ҷонг Сук, Чонг Ёнг Ҳи  ва хатмкардагони ин шуъба Нормаҳмедов Ирфон, Ғайратҷони Ҷумахон, Сафаралиева Маҳбуба ва Бурҳонов Ҷаҳонбахт кору фаъолият доранд.

Дар панҷ солу шаш моҳи охир Маркази забономӯзии забони куриёии “Шоҳ Сеҷонг”-ро 1800 нафар забономӯзон хатм кардаанд. Аз ҷумла;

Соли таҳсил	Семестр	нафар	Ҳамагӣ
2017	баҳорӣ	219	329
	тирамоҳӣ	110
2018	баҳорӣ	105	239
	тирамоҳӣ	134
2019	баҳорӣ	189	327
	тирамоҳӣ	139
2020	баҳорӣ	79	166
	тирамоҳӣ	87
2021	баҳорӣ	107	194
	тирамоҳӣ	136
2022	баҳорӣ	134	134
2023	баҳорӣ	196	444
	тирамоҳӣ	248
2024	баҳорӣ	234	234

 

Маводҳои таълимӣ ва китобҳои дарсии Марказ аз ҷониби Институти Шоҳ Сеҷонг ба нашр расида вобаста ба зинаи таҳсил ба китобҳои 1 то 8 тақсим карда шудаанд.