Раёсати Донишгоҳи байналмилалии забонҳои хориҷии Тоҷикистон ба номи Сотим Улуғзода  бо роҳбарии профессор Жило Гулназарзода  ҷиҳати тақвият ёфтани ҳамкориҳо дар соҳаи маориф  муовини аввали ректори Донишгоҳи байналмилалии Остонаи Ҷумҳурии Қазоқистон Мирзагалиева Анар Базаровна ва профессори Институти педагогии ин муассиса Самарханов Талантро ба ҳузур пазируфтанд.
          Дар оғоз  ба хотири бештар ошноӣ пайдо кардани ҳарду ҷониб рӯйнамоии Донишгоҳҳо  пешниҳод карда шуд баъдан, мақсади ташрифи меҳмонон, ки барои мубодилаи академӣ ва табодули омӯзгорон буд ба миён гузошта шуд.
          Дар ин вохӯрӣ созишномаи нави ҳамкорӣ  низ ба имзо расид, ки барои пойдор мондани робитаҳои дӯстона ва ҳамкориҳо дар самти таълим мусоидат хоҳад кард.
         Дар фарҷоми мулоқот роҳбари муассиса профессор Жило Гулназарзода  ду ҷилди китоби мондагори Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро бо забони руссӣ ва либоси миллии атласро ба меҳмон чун рамзи дӯстии пойдор тақдим намуданд