Робитаҳои байналмилалӣ

Раёсати муносибатҳои байналмилалӣ дар рушди ҳамкориҳои донишгоҳ, таъмини мубодилаи академӣ, шарикии байналмилалӣ ва ҳамгироӣ ба фазои ҷаҳонии таҳсилот нақши калидӣ мебозад. Ҳадафи он таҳкими мавқеи донишгоҳ дар арсаи байналмилалӣ ва фароҳам овардани имкониятҳо барои донишҷӯён ва омӯзгорон дар соҳаҳои маориф, илм, ва табодули фарҳангӣ мебошад. Раёсат бо донишгоҳҳои пешрафтаи хориҷӣ, ташкилоту ва муассисаҳои байналмилалӣ фаъолона робита намуда, доираи ҳамкориҳоро васеъ ва густариш медиҳад.

Яке аз самтҳои афзалиятноки фаъолияти раёсат татбиқи барномаҳои мубодилаи академӣ мебошад. Донишгоҳ кӯшиш мекунад дар лоиҳаҳои байналмилалии таълимӣ аз қабили Эразмус+ (Erasmus+), ДААД (DAAD) ва Фулбрайт (Fulbright) иштирок намояд ва ба донишҷӯёну омӯзгорон имкони таҳсил ва таҷрибаомӯзиро дар хориҷа фароҳам орад. Ба шарофати созишномаҳои шарикӣ бо донишгоҳҳои Аврупо, Осиё ва ИДМ донишҷӯён метавонанд мубодилаи семестрро гузаронанд ва омӯзгорон метавонанд дар пажӯҳишҳои муштараки илмӣ ва конфронсҳои байналмилалӣ ширкат варзанд.

Раёсат инчунин ба ҷалби донишҷӯёни хориҷӣ бо пешниҳоди барномаҳои таълимӣ бо якчанд забонҳо, фароҳам овардани шароити мусоид барои таҳсил ва мутобиқшавии онҳо мусоидат мекунад. Корҳо ҷиҳати эътирофи дипломҳои донишгоҳҳо дар хориҷа, аккредитатсияи барномаҳои таълимӣ дар агентиҳои рейтингии байналмилалӣ ва рушди курсҳои забони англисӣ идома доранд. Илова бар ин, раёсати муносибатҳои байналмилалӣ семинарҳо, форумҳо ва фестивалҳои байналмилалӣ ташкил намуда, ба муколамаи байнифарҳангӣ мусоидат менамояд ва ҳамкориҳои глобалиро густариш медиҳанд.

Бо саъю кӯшиши раёсат донишгоҳ ҳамасола робитаҳои байналмилалиашро таҳким бахшида, шумораи лоиҳаҳои муштараки тадқиқотӣ ва барномаҳои дипломии дуалӣ меафзояд. Рушди ҳамкориҳои стратегӣ бо марказҳои пешрафтаи тадқиқотии ҷаҳонӣ ба донишгоҳ имкон медиҳад, ки дар соҳаи маориф ва илм ба зинаи нав бирасанд. Раёсати муносибатҳои байналмилалӣ як маркази динамикию навоваронаест, ки донишгоҳро бо ҷомеаи академии ҷаҳонӣ мепайвандад, барои донишҷӯёну омӯзгорон дурнамои нав ва шароитҳои мусоид фароҳам меорад.

Дохилшавӣ ба донишгоҳ барои довталабони хориҷӣ як қадами муҳим аст ва Раёсати муносибатҳои байналмилалӣ дар ҳар марҳилаи ин раванд довталабонро дастгирии ҳамаҷониба менамояд. Донишгоҳ доираи васеи барномаҳои таълимиро дар зинаҳои бакалавриат, магистратура ва докторантура, аз ҷумла барномаҳои омӯзиши забонҳои тофикӣ, форсӣ, русӣ, англисӣ ва дигар забонҳо пешниҳод мекунад. Донишҷӯёни оянда бояд талаботҳои забон, муваффақияти таълимӣ ва хусусиятҳои барномаи интихобшударо ба назар гиранд. Раёсат оид ба пешниҳоди ҳуҷҷатҳо, гирифтани раводиди донишҷӯӣ ва мутобиқ шудан ба раванди таълим, фароҳам овардани шароити мусоид барои донишҷӯёни хориҷӣ маслиҳату машваратҳо медиҳад.

Интихоби ихтисос дар таҳсили бомуваффақият ва касби оянда нақши калидӣ дорад. Донишгоҳ барномаҳои равияи гуманитарӣ ва иҷтимоиро пешниҳод мекунад, ки ба талаботи муосири бозори меҳнат нигаронида шудаанд. Ба довталабон тавсия дода мешавад, ки нақшаҳои таълимӣ, дурнамои тахассус ва имкониятҳои ҳаракати академиро пешакӣ омӯзанд. Аксарият барномаҳо таҷрибаомӯзӣ, лоиҳаҳои илмию тадқиқотӣ, корҳои мустақилона ва иштирок дар мубодилаи академии байналмилалиро дар бар мегиранд, ки ин рақобатпазирии хатмкунандагонро ба таври назаррас афзоиш медиҳад. Раёсати муносибатҳои байналмилалӣ ба донишҷӯён тавассути пешниҳоди маълумот дар бораи соҳаҳои маъмултарин ҳангоми интихоби ихтисосҳо кӯмак мекунад.

Раванди қабул ба Донишгоҳ якчанд қадамҳои муҳимро дар бар мегирад. Довталабони хориҷӣ бояд бастаи ҳуҷҷатҳо, аз ҷумла шаҳодатномаи хатми муассисаи таҳсилоти миёнаи умумӣ ё диплом, натиҷаҳои имтиҳони забон (масалан, IELTS, TOEFL ё имтиҳони дохилии донишгоҳ), мактуби ҳавасмандӣ ва тавсиянома ҷамъоварӣ кунанд. Муҳим аз ҳама, мӯҳлати пешниҳоди ҳуҷҷатҳоро ба назар гирифта, саривақт ба комиссияи қабул (намояндаи Донишгоҳ вобаста донишҷӯёни хориҷӣ) бо бастаи ҳуҷҷатҳо мебояд муроҷиат намуд. Раёсати муносибатҳои байналмилалӣ роҳнамои муфассалро оид ба пур кардани варақаҳо, пешниҳоди дархостҳо, инчунин маслиҳатҳо оид ба манзили зист дар хобгоҳи донишҷӯёнро пешниҳод мекунад.

Пас аз қабул, донишҷӯёни хориҷӣ ҳамаҷониба дастгирӣ карда мешаванд. Донишгоҳ барномаҳои мутобиқсозӣ, курсҳои забони тоҷикӣ, чорабиниҳои фарҳангӣ ва машваратҳои академиро ташкил намуда, донишҷӯёни хориҷиро бо шароити таҳсил дар донишгоҳ ва будубош дар хобгоҳи донишҷӯёни донишгоҳ шинос карда мешаванд. Дастрасӣ ба китобхонаи анъанавӣ ва электронии донишгоҳ, марказҳои амалкунанда, иштирок дар лоиҳаҳои байналмилалии таълимӣ ба донишҷӯён дастрас хоҳад шуд. Дари Раёсати муносибатҳои байналмилалӣ ҳамеша барои донишҷӯён боз аст ва дар ҳалли ҳама гуна масъалаҳои марбут ба таҳсил, ҳамгироӣ ба муҳити донишгоҳ ва рушди касб кумак мерасонад.

Аз 12 забон ва 50 ихтисосҳои амалкунандаи зинаҳои бакалавриат, магистратура, докторантура (Phd) ва курсҳои забономӯзӣ якеро интихоб намуда, дар донишгоҳ ба таҳсил оғоз намоед.

ЗИНАИ БАКАЛАВР

Аз рӯи ҳамаи забонҳои омӯхташаванда дар зинаи бакалавр 44 ихтисос амал мекунад. Аз ин шумора таҳсил дар 40 ихтисос 4 сол ва дар 4 ихтисоси ҳамгиро 5 сол ба нақша гирифта шудааст. Маълумоти муфассалро метавон дар инҷо пайдо намуд.

ЗИНАИ МАГИСТРАТУРА

Дар зинаи магистратура аз рӯи 15 ихтисос мутахассис омода карда мешавад. Таҳсил дар ҳама ихтисосҳои амалкунандаи зинаи магистратура 2 сол ба нақша гирифта шудааст. Маълумоти муфассалро метавон дар инҷо пайдо намуд.

САМТҲОИ ТАҲҚИҚОТ ДАР ЗИНАИ ДОКТОРАНТУРА (доктор аз рӯи ихтисос PhD)

Дар зинаи докторантура (доктор аз рӯи ихтисос PhD)-и Донишгоҳ 8 ихтисос амал карда, аз рӯйи 2 ихтисос Шурои диссертатсионӣ амал мекунад. Баъди хатми зинаи магистратура яке аз самтҳои таҳқиқотро интихоб намуда, давоми 3 сол ба таври ройгон ё шартномавӣ метавон таҳсил кард. Дар ин муддат таҳқиқоти илмӣ анҷом дода, ҳамзамон мебояд ба таҳия ва чопи мақолаҳои илмӣ ва иштирок дар чорабиниҳои илмӣ машғул шуд. Маълумоти муфассалро метавон дар инҷо пайдо намуд.

ЗАБОНҲОИ ДАР ДОНИШГОҲ ОМӮХТАШАВАНДА:

Барои дохил шудан ба донишгоҳ ва таҳсил кардан дар зинаҳои бакалавриат, магистратура, докторантура (Phd) ва курсҳои забономӯзӣ, донишҷӯёни хориҷӣ бояд дар бораи қоидаҳои таҳсил дар донишгоҳ, шароит ва нархномаи таҳсил, гирифтани виза ва зиндагӣ кардан дар Ҷумҳурии Тоҷикистон маълумот дошта бошанд.

Ин маълумотҳоро метавон дар қисмати робитаҳои байналмилалии сомонаи донишгоҳ ё роҳнамо барои донишҷӯёни хориҷӣ пайдо кард.

Ҳамасола донишҷӯёни зиёди хориҷӣ дар зинаҳои гуногуни донишгоҳ таҳсил намуда, дар баробари забономӯзӣ, касб гирифта, бо ҳаёти ҷобили донишҷӯёни донишгоҳ ҳамроҳ мешаванд. Инчунин, дар рафти таҳсил аз ҷойҳои тамошобобу таърихии Тоҷикистон дидан карда, бо таассуроти баланд ба кишвари худ бармегарданд.

Шумо низ метавонед Донишгоҳи моро интихоб намоед, забон омӯзед ва ҳаёти худро ҷолиб созед.

…

Маркази омӯзиши забонҳо барои шаҳрвандони хориҷӣ яке аз зерсохторҳои Раёсати муносибатҳои байналмилалӣ мебошад. Ҳадафи он ташкил намудани курсҳои омӯзиши забонҳои омӯхташавандаи донишгоҳ барои шаҳрвандони кишварҳои хориҷ мебошад.

Ҳар як нафаре, ки ба омӯзиши забонҳои хориҷӣ майл дошта, дар баробари ин мехоҳад бо фарҳангу маданияти мардуми тоҷик ошноӣ пайдо намояд, метавонад ба Донишгоҳ ё ба мутахассисони Раёсати муносибатҳои байналмилалӣ муроҷиат намояд.

Таълими забонҳо аз ҷониби омӯзгорони соҳибтаҷриба ва соҳибзабонон роҳандозӣ мегардад. Забономӯзон метавонанд ба таври инфиродӣ ё дар гуруҳҳо ба омӯзиши забонҳо машғул шаванд. Айни замон шаҳрвандони кишварҳои хориҷ бештар барои омӯзиши забонҳои тоҷикӣ ва русӣ муроҷиат намуда, ин забонҳоро дар як муттади кӯтоҳ хеле хуб азхуд мекунанд.

Дар ҳолати корбарӣ қарор дорад.

Донишгоҳ бо муассиаҳои таҳсилоти олии касбии хориҷӣ ва ташкилотҳои бурунмарзӣ созишномаву шартнома ва қарордодҳо ба имзо расонидааст, ки теъдоди умумии созишномаҳо 54 ададро дар бар мегирад. Илова бар ин, Донишгоҳ бо муассисаҳои таълимӣ ва ташкилотҳои хориҷии дар Тоҷикистон амалкунанда низ созишномаву шартнома ва қарордодҳо ба имзо расонида, шумораи онҳо 6 ададро ташкил медиҳад.

Бояд зикр намуд, ки Донишгоҳ дар умум бо 60 донишгоҳу донишкадаҳои кишварҳои хориҷи дуру наздик ва муассисаҳои таълимӣ ва ташкилотҳои хориҷии дар Тоҷикистон амалкунанда ҳамкориҳои дуҷонибаро ба роҳ мондааст, ки тибқи ин созишномаҳо табодули донишҷӯён, магистрантон, таҷрибаомузии донишҷӯён, аз такмили ихтисос гузаштани омӯзгорон ва таъмин намудани омӯзгорони соҳибзабон ба Донишгоҳ сурат мегирад.

Аз ҷумла:

Ҷумҳурии Тоҷикистон: бо 6 Ташкилотҳои дохилию байналмилалӣ
Федератсияи Россия: бо 12 Донишгоҳу донишкадаҳо
Ҷумҳурии Белорусия: бо 4 Донишгоҳу донишкадаҳо
Ҷумҳурии Ӯзбекистон: бо 8 Донишгоҳу донишкадаҳо
Ҷумҳурии Озарбойҷон бо 1 Донишгоҳ
Ҷумҳурии Қирғизистон: бо 1 Донишгоҳ
Ҷумҳурии Қазоқистон: бо 4 Донишгоҳу донишкадаҳо
Ҷумҳурии Мардумии Чин: бо 12 Донишгоҳу донишкадаҳо
Ҷумҳурии Ҷопон: бо 3 Донишгоҳу донишкадаҳо
Ҷумҳурии Куриёи Ҷанубӣ: бо 6 Донишгоҳ
Шоҳигарии Британия: бо 1 Донишгоҳ
Ҷумҳурии Ҳиндустон: бо 1 Донишгоҳ
Ҷумҳурии Покистон: бо 1 Донишгоҳ

Дар рафти корбарӣ қарор дорад.

Гадоев Каримҷон Хайруллоевич

ТОҶИКӢ

ФОРСӢ

РУСӢ

АНГЛИСӢ

ОЛМОНӢ

ФАРОНСАВӢ