Шуъбаи курсҳои тайёрӣ дар Донишгоҳи байналмилалии забонҳои хориҷии Тоҷикистон ба номи Сотим Улуғзода аз моҳи сентябри соли 2012 фаъолият мекунад.

Дарсҳо дар тӯли ҳафта 5-рӯз ба роҳ монда шудаанд. Дар курсҳои мазкур тибқи талаботи маркази миллии тестии назди Президенти Ҷумҳурии Тоҷикистон аз аз рӯйи кластери 3 довталабон ба таълим фаро гирифта мешаванд ва дар тӯли шаш моҳи соли хониш ба иштироккунандагон аз фанҳои забони тоҷикӣ, адабиёти тоҷик, таърихи халқи тоҷик, забонӣ русӣ, забони англисӣ, математика ва ҳуқуқи инсон дарс омӯзонида мешавад. Дар ҷамъбасти сол довталабон аз фанҳои номбурда ба тариқи тестӣ имтиҳон супорида, сазовори сертификат мегарданд.

         Дар курсҳои номбурда омӯзгорони ботаҷриба ва донишмандон дарс мегузаронанд. Шуъбаи тайёрӣ бо мақсади ҷалб намудани шунавандагон дар муассисаҳо, гимназияҳо корҳои ташвиқотиро ба роҳ монда, бо хатмкунандагон мунтазам суҳбатҳо барпо мекунанд. Барои ҷалби шунавандагон дар матбуоти даврӣ ва радио эълонҳо дода мешавад.

Омори довталабон аз солҳои аввали таъсисёбии шуъба то инҷониб дар ҷадвали зайл дарҷ шудааст:

Солҳои таҳсил
2013-2014	7-нафар
2014-2015	14-нафар
2015-2016	24-нафар
2016-2017	36-нафар
2017-2018	40-нафар
2018-2019	44-нафар
2019-2020	53-нафар
2020-2021	22-нафар
2021-2022	9-нафар
2022-2023	16-нафар
2023-2024	21-нафар
2024-2025	26-нафар
Ҳамагӣ:	312 нафар

Лозим ба ёдоварист, ки дар тӯли фаъолияти курсҳои тайёрӣ  312-нафар онро бомуваффақият хатм намуда, соҳиби сертификат шуданд.

Айни ҳол масъули шуъбаи мазкур Мирзоев Зоҳир мебошад.