ш.Душанбе, куч.Муҳаммадиева, 17/6 
(+992) 37-232-5000
rectorat.dbzkht.tj@mail.ru
Дар Донишгоҳи байналмилалии забонҳои хориҷии Тоҷикистон ба номи Сотим Улуғзода Ҷашни байналмилалии Наврӯз бо ҳузури намояндагони сафоратҳои муқими Тоҷикистон дар сатҳи баланд баргузор гардид.
Дар ин чорабинии бошукуҳ ректори Донишгоҳ, профессор Жило Гулназарзода, сафири Шоҳигарии Арабистони Саудӣ Ҷаноби Валид Абдулраҳмон ал Решайдан, сафири Ҷумҳурии Мардумии Чин Тези Шумин, сафири Ҷумҳурии Карея Ҷон Сонг Шик ва намоядагӣ аз сафоратҳои Фаронса, Федератсияи Россия, Ҷумҳурии исломии Эрон, Ҷумҳурии Куриё, Ҷумҳурии Ҳиндустон ва ҳамчунин намояда аз Донишкадаи Конфутсияи назди Донишгоҳи миллӣ ва Россотруднечество, сармуҳаррири маҷаллаи “Маърифати омӯзгор” Дилафрӯз Қурбонӣ, муовини ҲХДТ дар шаҳри Душанбе Фазилатпочои Маҳмадюсуф ширкат намуданд.
Ректори Донишгоҳ Жило Гулназарзода меҳмононро бо фарорасии ҷашни байналмилалии Наврӯз таҳният гуфта, зикр намуд, ки ҷашни Наврӯз бо ибтикори беназиру таърихии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ҷаҳонӣ гардида, дар тамоми сайёра таҷлил карда мешавад.
Роҳбарияти Донишгоҳ ҳамроҳи меҳмонон аз намоиши омоданамудаи омӯзгорон ва донишҷӯёни Донишгоҳ, ки дар он расму суннатҳои наврӯзии сарзамини маҳбубамон, либосҳои миллии мардумӣ, тарзи баргузории тӯйи тоҷикон, оростани дастархон ҳафтсину ҳафтшин ва ҳафтмим, ҳамчунин хӯрокҳои миллии наврӯзӣ, ороиши ҳунарҳои мардумии миллати тоҷик, бозиҳои миллии варзишӣ ва дигар расму оинҳои тоҷикӣ ба намоиш гузошта шуда буд, боздид карданд.
Қисмати фарҳангии чорабинӣ бо суруду рақсҳои зебои хонандагони гимназия ва донишҷӯён, ки бо забонҳои тадрисшавандаи Донишгоҳ омода гардида буд манзури меҳмонони олимақом гардонида шуд.
Чорабинии фарҳангӣ бо сурудҳои ҳунарманди маъруфи кишвар – Лоиқ Холов ба анҷом расид.