Бо мақсади иштирок дар маросими кушодашавии курси такмили ихтисоси омӯзгорони маҳаллӣ дар Донишгоҳи байналмилалии забонҳои хориҷии Тоҷикистон ба номи Сотим Улуғзода сафири Ҷумҳурии Куриёи Ҷанубӣ дар Ҷумҳурии Тоҷикистон Ҷон Сонгшик ба Донишгоҳи ташриф оварда, бо ректори Донишгоҳ профессор Жило Гулназарзода мулоқоти судманд анҷом дод.

Зимни мулоқот профессор Жило Гулназарзода меҳмононро ба Донишгоҳ ва Наврӯзи байналмилалӣ шод бош гуфта, дар аснои суҳбат аз дӯстиву ҳамкории Ҷумҳурии Тоҷикистон ва Ҷумҳурии Куриёи Ҷанубӣ зери роҳбарии ҳукуматҳои ду кишвар ёдовар шуданд. Ҳамчунин дар бораи теъдоди омӯзгорону донишҷӯёни ихтисосҳои куриёӣ, маркази забономӯзӣ ва лингвопарки Донишгоҳ ба меҳмонон маълумоти муфассалпешниҳод карда шуд.