ш.Душанбе, куч.Муҳаммадиева, 17/6 
(+992) 37-232-5000
rectorat.dbzkht.tj@mail.ru
11 март дар Донишгоҳи байналмилалии забонҳои хориҷии Тоҷикистон ба номи Сотим Улуғзода Рӯзи матбуоти тоҷик таҷлил гардид, ки дар он журналисти собиқадор Абдулқодири Раҳим, муовинони ректори Донишгоҳ Зулфия Мирзода, Абдураъуф Наврасов сардори Раёсати илм ва инноватсия Шамсиддин Ҳайбуллоев, декани факултети филология ва рӯзноманигорӣ Сайёра Азимова, мудири кафедраи забоншиносӣ ва рӯзноманигорӣ Гулчеҳра Сафарова иштирок намуданд.
Дар чорабинӣ муовини ректор оид ба таълим Зулфия Мирзода ҳозиринро ба Рӯзи матбуоти тоҷик шодбош гуфта, иброз дошт, ки ин санаи таърихӣ ба нашри аввалин рӯзномаи тоҷикӣ “Бухорои Шариф” иртибот дорад.
Барои огоҳии бештар пайдо намудани иштирокдорони чорабинӣ филми ҳуҷҷатӣ, ки дар хусуси пайдоиш, рушд ва таъсири рӯзномаҳои тоҷикӣ ва маърифатнокии мардум дар масири таърих буд, намоиш дода шуд.
Суханронии хотирмони нависанда ва журналисти муваффақи тоҷик Абдулқодири Раҳим чорабиниро ҳусни идона бахшид. Донишҷӯён аз меҳмони чорабинӣ бо суолҳо муроҷиат намуда, ба худ посухҳои мушаххас гирифтанд.
Дар анҷом ба хабарнигорони ҷавон, аъзои маҳфили “Тулуи сухан”-и назди шуъбаи таҳлил ва иттилооти Донишгоҳ туҳфаҳои раёсати Донишгоҳи байналмилалии забонҳои хориҷии Тоҷикистон ба номи Сотим Улуғзода ва асарҳои тозанашри Абдулқодири Раҳим тақдим карда шуд.