ш.Душанбе, куч.Муҳаммадиева, 17/6 
(+992) 37-232-5000
rectorat.dbzkht.tj@mail.ru
Дар Донишгоҳи байналмилалии забонҳои хориҷии Тоҷикистон ба номи Сотим Улуғзода бахшида ба Рӯзи модар ҳамоиши илмӣ – амалӣ таҳти унвони “Зан – модар – олиҳаи меҳру муҳаббат” баргузор гардид, ки дар он раиси Кумитаи кор бо занон ва оилаи назди Ҳукумати Ҷумҳурии Тоҷикистон Файзиддинзода Бунафша, муовини вазири маориф ва илми Ҷумҳурии Тоҷикистон Лутфия Абдухолиқзода, ректори Донишгоҳ Жило Гулназарзода, муовини раиси Ҳизби Халқии Демократии Тоҷикистон Абдуллозода Умеда, раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам, сардори бойгонии назди Ҳукумати Ҷумҳурии Тоҷикистон Шарифзода Лутфия, муовини якуми раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Шабнам Раҳимзода ва дигар омӯзгорону донишҷӯёни Донишгоҳ ширкат намуданд.
Дар оғози чорабинӣ ректори муассиса профессор Жило Гулназарзода меҳмононро ба Донишгоҳ хайрамақдам гуфта, ҳозиринро бо фарорасии фасли баҳори нозанин ва Рӯзи модарон табрик намуданд. Профессор Гулназарзода қайд кард, ки бо ташаббуси хирадмандонаи Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон зан-бонуи тоҷик дар ҷомеа баробари мардон фаъолияти назаррас доранд ва вазифаи ба дӯш доштаи хешро софдилона адо менамоянд.
Дар идомаи ҳамоиш раиси Кумитаи кор бо занон ва оилаи назди Ҳукумати Ҷумҳурии Тоҷикистон Файзиддинзода Бунафша, раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам, муовини вазири маориф ва илми Ҷумҳурии Тоҷикистон Лутфия Абдухолиқзода, сардори бойгонии назди Ҳукумати Ҷумҳурии Тоҷикистон Шарифзода Лутфия, муовини якуми раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Шабнам Раҳимзода суханронӣ намуданд.
Меҳмонони ҳамоиш таъкид сохтанд ҷавобан ба ҳамаи ғамхориҳои давлату Ҳукумат занону бонувони тоҷик мекушанд чун кормандони фаъоли ҷомеа барои рушту нумӯи кишвари азизамон ҳиссагузорӣ намоянд.
Қисми дуюми ҳамоиши идона бо пешниҳоди суруду рақсҳои миллию аврупоӣ аз ҷониби дастаи ҳунарии “Субҳи ҷавонӣ” и Донишгоҳ анҷом ёфт.