Қурбонова Таманно Ҳазратқуловна
- ВАЗИФА: Директор
- ТАҲСИЛОТ: Донишкадаи соҳибкорӣ ва хизмат, ДБЗХТ ба номи Сотим Улуғзода
- ИХТИСОС: иқтисодчӣ, ҳуҷҷатнигорӣ
- ТЕЛЕФОН: (+992) 553050494
- НИШОНИИ ЭЛЕКТРОНӢ:
Муассисаи давлатии таълимии «Гимназия»-и назди Донишгоҳи байналмилалии забонҳои хориҷии Тоҷикистон ба номи Сотим Улуғзода
фаъолияти худро дар асоси Конститутсияи Ҷумҳурии Тоҷикистон, Кодекси меҳнати Ҷумҳурии Тоҷикистон, Қонуни Ҷумҳурии Тоҷикистон “Дар бораи маориф”, Қонуни Ҷумҳурии Тоҷикистон “Дар бораи таҳсилоти иловагӣ” ва дигар санадҳои меъёрии ҳуқуқуқии танзимкунандаи муносибатҳои меҳнатӣ, Низомномаи намунавии муассисаҳои таҳсилоти иловагӣ дар Ҷумҳурии Тоҷикистон (Қарори Ҳукумати Ҷумҳурии Тоҷикистон аз 1 марти соли 2018, №93), Оинномаи Муассисаи давлатии таълимии Донишгоҳи байналмилалии забонҳои хориҷии Тоҷикистон ба номи Сотим Улуғзода ва Низомномаи Муассисаи давлатии таълимии «Гимназия»-и назди Донишгоҳи байналмилалии забонҳои хориҷии Тоҷикистон ба номи Сотим Улуғзода ва қарорҳои Шурои олимони Донишгоҳ, фармоиш ва дастуру супоришҳои ректори Донишгоҳ дар соли 2024-2025 ба роҳ мемонад.
Дар ҷаласаи ҳайати мушовараи Агентии назорат дар соҳаи маориф ва илми Ҷумҳурии Тоҷикистон аз 03.04.2024 №6/35 барои пешбурди фаъолияти Муассисаи давлатии таълимии “Гимназия” – и назди Донишгоҳи байналмилалии забонҳои хориҷии Тоҷикистон ба номи Сотим Улуғзода иҷозатномаи №0005146 аз 08.05.2024 бо теъдоди 350 нафар хонанда ва 60 нафар Маркази инкишофи кӯдак ба муҳлати амали номаҳдуд дод шуд.
Гимназия дар асоси қарори Шурои олимон, низомномаи Гимназия ва дигар санадҳои меъёрӣ-ҳуқуқӣ аз санаи 30-юми марти соли 2024 фаъолияти худро оғоз намудааст. Айни замон, дар Гимназияи мазкур теъдоди хонандагон 208 нафарро ташкил медиҳад (115 нафар писарон ва 93 нафар духтарон), ки дар гурӯҳҳои русӣ ва англисӣ (як гурӯҳи англисӣ ва ҳашт гурӯҳи русӣ) ба таҳсил фаро гирифта шудаанд. Забони таҳсил дар гимназия русӣ ва англисӣ (омӯзиши забони давлатӣ ҳатмист) мебошад. Дар Гимназия забонҳои олмонӣ, кореягӣ ва чинӣ низ омӯзонида мешавад.
Шумораи умумии омӯзгорон дар Гимназия 29 нафарро ташкил медиҳад, ки аз инҳо 16 нафар омӯзгорони асосӣ, 7 омӯзгори ҳамкор (омӯзгорони ДБЗХТ ба номи С. Улуғзода), 2 ассистент, 2 мураббии Маркази инкишофи кӯдак ва 2 равоншинос мебошанд.